1.Chronika 14 vo 29
- von Rico Loosli 6934 Bioggio
-
Zugriffe: 444
1.Chronika 14 vo 29
14:1 König Hịrama von Tỵrus hät en Abordnig zu David zämme mit Zederholz, Steinmetze und Zimmerlüüt gschickt, wo ihm sötted Palast baue.
2 Jehova het David Position als König vo Israel gfestigt gha, denn sis Königtum isch wege Gottes Volk Israel zu höchem Ansehe glangt gsi - das isch de David bewusst gsi.
3 In Jerusalem het sich de David wiiteri Fraue gno und het na meh Söhn und Töchter übercho.
4 Das sind die Name vo de Chind, wo ihm in Jerusalem gebore worde sind: Schammụa, Schọbab, Nathan, Sạlomo,
5 Jịbhar, Elischụa, Ẹlpelet,
6 Nọgah, Nẹpheg, Japhịa,
7 Elischạma, Beeljạda und Eliphẹlet.
8 Wo d Philịster ghört händ, dass David zum König vo ganz Israel gsalbt worde isch, händ sie sich alli uf d Suechi nach ihm gmacht. David erfahre devo und hät gäg si uusgrückt.
9 Die Philịster sind cho und sind immer wieder is Tal Rẹphaïm iigfalle.
10 David befrogt Gott: "Söll ich goh und gege die Philịster kämpfe? Wirsch sie i minere Hand geh?" Da het ihm Jehova gantwortet: "Gah! Ich wird sie ganz bestimmt i dini Hand geh."
11 So isch David uf Baal-Pẹrazim gange und het sie det bsiegt. De David hät gseit: "Der wahri Gott hät dur mini Hand die feindliche Linie durebroche – so wie Wassermasse e Breschi schlönd." Deshalb hät mer de Ort Baal-Pẹrazim gnennt.
12 Die Philịster händ ihre Götter det zrug gloh und uf David Befehl sind sie verbrennt worde.
13 Spöter sind d Philịster namal i das Tal ifalle.
14 David het Gott erneut befrogt. Doch de wahre Gott het antwortet: "Griif sie nöd direkt ah! Mach en Boge um sie und griif sie vo hinte a - vor de Bạka-Strücher.
15 Und wänd Marschgrüsch im Blätterdach vo de Bạka-Strücher ghörsch, dänn gang zum Aagriff über! De wahri Gott isch den nämlich vor dir herzoge zum de Heer vo de Philịster besiege."
16 David isch so vorgange, wie de wahri Gott es ihm befohle het, und sin Heer het de Philịster vo Gịbeon bis uf Gẹser gschlage.
17 David Ruhm het sich in alli Länder us breitet und Jehova het defür gsorgt, dass sich alli Völker vor David gforchtet hend.