Sprüch 23 vo 31
- von Rico Loosli 6934 Bioggio
-
Zugriffe: 471
Sprüch 23 vo 31
23:1 Wennd dich setzisch zum miteme König esse, achti genau druf, was vor dir isch.
2 Setz es Messer a dini Chöhle wenn du grossi Hunger hesch.
3 Zeig kei Verlange nach sine Delikatesse, denn sie sind en trügerischi Spiis.
4 Verusgab dich nöd zum Riichtum cho. Hör uuf und zeige Verstand.
5 Wenn du en Blick druff wirfsch ischer weg, denn er wird bestimmt Flügel übercho wie en Adler und in Himmel wegflüge.
6 Iss nüt vomene geizige Mensch. Zeig kei Verlange nach sine Delikatesse.
7 Denn er isch wie eine wo Buech füehrt. "Iss und trink" seit er zu dir, aber er meints nöd so.
8 Du wirsch die Bisse wo du gässe hesch erbräche und dini Kompliment wärded umsuscht sii.
9 Sprich nöd vor de Ohre vom Dumme, denn er wird d Wiisheit vo dinere Wort verachte.
10 Versetz kei alti Grenzmarkierig und vergriif dich nöd am Feld vaterloser Chind.
11 Denn ihres Verteidiger isch starch. Er wird ihre Fall gege dich vertrete.
12 Öffne dis Herz für Erziehig und dis Ohr für d Wort vo de Erkenntnis.
13 Halt dich nöd zrugg, es Chind z erzieh. Wenns mit de Rute schlasch wirds nöd sterbe.
14 Du söttsch es mit de Rute schlah zums vom Grab befreie.
15 Min Sohn, wenn dis Herz wiise wird, wird sich mis eigete Herz freue.
16 Mis Innerste wird juble, wenn dini Lippe redet was richtig isch.
17 Lah dis Herz nöd Sünder beneide, sondern han Ehrfurcht vor Jehova de ganz Tag,
18 den wirsch e zuekunft ha, und dini hoffnig wird nöd zerstört werde.
19 Hör zue, min Sohn, und wirde wiis und lenk dis Herz ufem richtige Wäg.
20 Si nöd under dene wo z viel wii trinked under dene wo sich mit Fleisch vollstopfed
21 den wer zviel issed und trinkt, wird verarme, und Schläfigkeit wird eine in Lumpe chleide.
22 Hör uf din Vater wo dich zügt hät und verachte nöd dini Muetter, nur will sie alt worde isch.
23 Chauf Wahrheit und verchauf sie nie, au Wiisheit, Erziehig und Verständnis.
24 De Vater vomene Grechte wird bestimmt juble. Wer Vater vomene Wise wird, wird Fröid an ihm ha.
25 Din Vater und dini Mueter werded sich freue und sie wo dich gebore het wird juble.
26 Min Sohn, gib mer doch dis Herz und lah dini Auge a min Wäge Fröid finde.
27 Denn e Prostituierti isch e tüüfi Gruebe und e unmoralischi Frau isch en ängere Brunne.
28 Si liit uf de Lauer wie en Räuber und vermehrt Zahl vo de untreue Männer.
29 Wer het Kummer? Wer het Unbehagen? Wer het Striitigkeite? Wer het Wunde ohni Grund? Wer het d Auge?
30 Die sich lang bim Wy ufhalte wo uf de Suechi nach Mischwy sind.
31 Gsehder de Wii nöd a wener rot im Bächer funklet und liecht abe gleitet,
32 denn am Endi biisst er wie e Schlange und sondern Gift ab wie e Viper.
33 Dini Auge werded seltsami Sache gseh und dis Herz wird Absurdes redä.
34 Du wirsch wie öpper si wo zmitzt im Meer liit wie öpper wo uf de Spitze vomene Schiffsmascht liegt.
35 Du wirsch säge: "Sie hend mich gschlage, aber ich han nüt gspürt. Sie hend mich verprüglet aber ich han nüt gmerkt. Wenn werd ich ufwache? Bruch no was z trinke."