Die Psalme 147 bis 150
- von Rico Loosli 6934 Bioggio
-
Zugriffe: 296
D Psalme 147 bis 150
147:1 Priist Jah!
Es isch guet für euse Gott Lieder z singe.
Wie schön und passends doch isch ihn z priise!
2 Jehova baut Jerusalem.
Die Verstreute Israels sammlet er ii.
3 Er heilt die wo ihres Herz broche isch.
Ihri Wunde verbindet er.
4 Er zellt die Stern.
Sie all rüeft er mit Name.
5 Euse Herr isch gross und sini Macht isch gwaltig.
Unermesslich isch sin Verstand.
6 Jehova hilft de Sanft uuf,
aber die Böse schleuderet er zu Bode.
7 Singt Danklieder für Jehova.
Stimmt für euse Gott Lobgsäng a mit Harfebegleitig,
8 für de wo de Himmel mit Wolke bedeckt,
de d Erde mit Räge versorgt,
de uf de Berge Gras sprüsse loht.
9 De Tier git er Nahrig,
de jung Rabe wo nacher schreit.
10 Die Kraft vom Ross beiidruckt en nöd.
No imponiered ihm die chräftige Bei vomene Maa.
11 Jehova findet Gfalle a dene wo Ehrfurcht vor ihm händ,
a dene wo uf sini loyali Liebi warted
12 Verherrlichi Jehova, o Jerusalem.
Priise din Gott, o Zion.
13 Er macht d'Riegel vo dinere Tore stabil.
Er segnet dini Söhn i dinere Mitti.
14 Dim Gebiet schenkt er Friede.
Mit em beschte Weize macht er dich satt.
15 Er schickt sin Befehl zur Erde.
Sis Wort chunnt schnell as Ziel.
16 Er schickt de Schnee wie Wulle.
De Raureif verstreut er wie Äsche.
17 Sini Hagelstei schleuderet er abe wie Brotbrocke.
Wer chan sinere Chälti standhalte?
18 Er git en Befehl und sie schmelzed.
Er laht sin Wind wehe und sWasser flüüst.
19 Sini Wort verkündet er Jakob,
sini Vorschrifte und Urteil Israel.
20 Das het er mit niemerem vo de andere Völker so gmacht.
Si wüssed nüd vo sine Urteilsprüch.
Priist Jah!