1. Thessalonische 2 von 5

1.Thessalonicher 2von 5

2:1 Brüedere, wie ihr bestimmed sälber wüssed, isch euises Bsuech bi eu nöd ergebnislos gsi.

2 Denn obwohl mir, wie ihr ja wüssed, zerst litte und in Philipp unverschämt behandlet worde sind, hämmer mithilf vo eusem Gott de Muet uuf, eu trotz heftigem Widerstand vo de guete Botschaft Gottes z verzelle.

3 Denn die Ermahnig wo mer gänd entspringt nöd irgend en Irrrtum oder irgendwelchi Unreinheit und het nüt mit Betrug ztue.

4 Vielmeh het Gott eus für geignet ghalte, eus die gueti Botschaft azvertraue, und drum redemer, aber nöd um Mensche zgfalle, sondern Gott wo eusi Herze prüeft.

5 Ihr wüssed ja, dass mir niemals schmeichlerischi Wort brucht händ oder us Habgier en bestimmte Aschiin händ welle erwecke. Gott isch Züüg!

6 Mir sind au nöd druf us, vo Mensche geehrt zwerde, weder vo eu na vo anderne, obwohl mir als Apostel Christi e finanzielli Last chönted sii.

7 Im Gägeteil wo mir bi eu gsi sind simmer sanft wie e stillendi Mueter worde wo liebevoll für ihri Chind sorgt.

8 Do ma also innigi Liebi zue äich hän, sin ma entschlosse gsi, äich nit nur a de guete Botschaft Gottes teilzloh, sundern au an unsem eigene Läbä so lieb sin ihr uns worde.

9 Brüeder, ihr erinnered eu bestimmt a eusi harti Arbet und euisi Asträngige. Wo mir eu die gueti Botschaft Gottes predigt händ, hämmer Tag und Nacht gschaffet, zum für keine vo eu e finanzielli Lascht z'sii.

10 Ihr sind Züge, au Gott isch es wie loyal und grächt und tadellos mir eus gegenüber eu, de Gläubige, verhalte hend.

11 Ihr wüssed nur z guet, dass mir eu wie en Vater sini Chind fortgsetzt ermahnt und tröstet und eu zuegredet händ,

12 damit ihr witer so läbt, wie's Gottes würdig isch, wo eu zu sim Kenigrich und zu sinere Herrlichkeit berüeft.

13 Ja drum danked mir Gott au ständig. Denn als ihr Gottes Wort vu uns ghärt hän, hän ihr's nit als des Wort vu Mensche agnumme, sundern als des, was`s würklich isch, als des Wort Gottes, des au in äich, d Gläubige, würksam isch.

14 Brüeder, ihr hän äich a de Vusammlige Gottes in Judä, de mit Chrischtus Jesus verbunde sin, ä Bispiel gnumme, denn ihr hän vu äire eigene Landslüt glich vuschrecke, we au sie vu d Jude.

15 Die hän sogar de Herr Jesus und d Prophete umbrocht und uns verfolgt. Usserdem gfalle sie Gott nit, sundern sie handle gege de Interesse vu allne Mensche,

16 wänns versueched eus drah zhinderä, mit Lüüt vo de andere Völcher z rede, damit die grettet werded. So macheds s Mass vo ihrne Sinde immer wieder voll. Doch sin Zorn isch schliesslich über sie cho.

17 Brüedere womer vo eu trennt gsi sind - nur für churzi Ziit und nur körperlich, nöd aber im Herze -, hemmer jedi Asträngig unternoh, eu persönlich zgseh will mir eus so nachher gseh hend.

18 Deswege hämmer zu eu wele cho, ja ich, Paulus, has nöd nur ei Mal, sondern zwei mal versuecht, aber de Satan het eus de Wäg versperrt.

19 Denn was isch eusi Hoffnig oder Fröid oder Chrone, über die mir juble vor eusem Herr Jesus bi sinere Gägewart? Sind nöd ihrs?

20 Ganz bestimmt sind ihr eusi Herrlichkeit und Freud.